УКИМ
Факултет за дизајн и технологии на мебел и ентериер – Скопје
Бул. Александар Македонски бб
п. фах 8, 1130 Скопје

тел.: 02/6154660
факс: 02/6154590
e-mail: kontakt@fdtme.ukim.edu.mk


Факултетот за дизајн и технологии на мебел и ентериер–Скопје во состав на Универзитетот "Св. Кирил и Методиј" во Скопје е основан на 26 април 2010 година со посебен закон донесен во Собранието на Република Македонија.
Факултетот е следбеник на четиридецениската традиција на студиите од областа на дрвната индустрија, механичката технологија на дрвото и проектирање на мебел и ентериер што до учебната 2009/10 година се организираа во рамките на студиските програми на Шумарскиот факултет во состав на Универзитетот „Св. Кирил и Методиј“ во Скопје.
Факултетот за дизајн и технологија на мебел и ентериер претставува единствена високообразовна и научно–истражувачка установа од областа на технологијата на дрво и дизајн на мебел и ентериер.
Според наставно-образовната и научно-истражувачката работа, Факултетот спаѓа во групата на биотехнички факултети.
Во образовниот процес на Факултетот за дизајн и технологии на мебел и ентериер се организираат четиригодишни додипломски студии од прв циклус и едногодишни постдипломски (магистерски) студии од втор циклус, а во фаза на воведување е третиот циклус на студии - докторски студии.
Со завршување на додипломските студии, студентот се стекнува звањето Дипломиран инженер по дрвна индустрија со назнака на студиската програма, односно:
• Механичка технологија на дрвото
• Проектирање и технологија на мебел и ентериер
Факултетот е сместен во зградата на Факултетот за земјоделски науки и храна, во источниот дел на Скопје, во населбата Автокоманда, на адресата бул. Александар Македонски бб.


• СТАТУТ на Универзитетот „Св. Кирил и Методиј“ во Скопје

• ПРАВИЛНИК за внатрешните односи и работењето на Факултетот за дизајн и технологии на мебел и ентериер во Скопје во состав на Универзитетот „Св. Кирил и Методиј” во Скопје

• ИЗВЕШТАЈ за самоевалуација на институцијата и студиските програми на УКИМ-Факултет за дизајн и технологии на мебел и ентериер-Скопје (за период 2010/11–2012/13)

 

© 2011 Факултет за дизајн и технологии на мебел и ентериер - Сите права се задржани