Плаќањето на сите надоместоци за запишување на семестарот може да се изврши онлајн, преку iKnow системот. За таа цел е потребно да се изберат предметите во согласност со студиската програма и да се изврши верификација на изборот од страна на службата за студентски прашања. За да се изврши верификацијата потребно е студентот да побара верификација во службата за студентски прашања, лично или преку електронската адреса st.sluzba@fdtme.ukim.edu.mk.
Системот дозволува запишување од страна на студентот до 35 кредити. Во колку студентот има намера да запише 36 кредити, за тоа треба да ја извести службата за студентски прашања и во делот за коментари да образложи кој дополнителен предмет сака да го запише. За запишување над 36 кредити потребно е да се поднесе посебно барање.
По верификацијата на предметите, во табот 'Предмети' ќе се појави копче 'Плати онлајн' и ќе го одведе студентот до платформата за плаќање. По извршеното плаќање, вообичаено се потребни 30-40 минути за iKnow системот да го регистрира плаќањето.
